Fredi M. Murer da Cristina Gregori

Sent nun es Cannes o Cannes nun es Sent! No vain fat fingià differentas experienzas cun invidar a glieud prominenta a nos Openair da kino a SENT. L’inscunter cun Fredi M. Murer tocca pro las experienzas fich allegraivlas. Ün hom, vesti sco tü ed eu, sorta dal tren a Scuol e’s preschainta sco Fredi M. Murer. La limusina per til manar sü Sent ans manca. Vaira svelt però ans vain consciaint, cha quai gnaca nu s’affess pro quista persuna. Discurrind cun el imprendaina a cugnuoscher ün hom fich simpatic e modest in seis esser, sainza allüras d’ün artist renomnà! El s’interessa per nos Openair, per nos cumün ed es inchantà da la culissa grondiusa sün Plaz. Be da las temperaturas bassas è’l ün zich stut ed es cuntaint cha pro’l servezzan dal garni tocca eir la sporta d’üna giacca d’impraist dal patrun.

La saira lura, davant il public, sezza’l in sia pultruna sül pon cotschen e respuonda cun gronda calma a las dumondas dal modera-tur, sainza gardaroba d’ Haute Couture, sainza Champagner e sainza las aspettati-vas da survgnir ün Oscar. A mai am vain consciaint che chi’m fascinescha vi da nos Openair da kino e quant gronda chi’d es la differenza tanter Sent e Cannes!

Fredi M. Murer es nat dal 1940 a Beckenried e lavura daspö’l 1967 independentamaing sco redschissur e produzent da films. „Höhenfeuer“ (1985), „Vollmond“ (1998) e „Vitus“ (2006) sun ils ultims films cha Fredi M. Murer ha fat.

particularitats home