|
Jachen Janett es stat il dirigent pro'l proget "Missa Rotna" da la scoula da Sent. Las rapreschantaziuns han gnü lö sonda, ils 4 gün 2005 aint illa baselgia da Sent e dumengia, als 5 gün 2005 aint illa sala polivalenta da Tschlin.
Jachen Janett
Jachen Janett es nat dal 1946; el es creschü sü a Tschlin. Davo frequentà il seminari da magisters a Cuoira ha'l stübgià inavant musica al conservatori da Turich e fat scolaziun da solist.
A la scoula media da Samedan, ingio ch'el ha dat blers ons scoula, ha'l fondà ün cor da scolars e manà quel durant blers ons cun grond success. Cun sia paschiun pella musica e'l chant ha'l savü entusiasmar a bleras scolaras e scolars per quell'art. La comprouva sun ils success da quel cor aint ils blers concerts. Uossa, davo 27 ons d'operiusità a l'academia, ha'l bandunà quella e's dedichescha a divers porgets musicals sco solist o sco dirigent.
Jachen Janett es eir stat il confundatur dal cor "Rudè da chant". El ha diret quel sulet da l'on da sia fundaziun, 1978, fin dal 1987. Da là davent ha'l manà il cor insembel cun seis frar Duri Janett fin l'on 2003.
Quist on as partecipescha'l als concerts dal Rudè sco solist.
|
