Tecnica
|
|
Nos projectur es ün projectur da kino original da la marca Philips.
|
 |
Per simular il movimaint projezescha'l mincha secunda 24 differents purtrets.
Per ün film sco'l classiker "Il Postino" da Michael Radford cun Philippe Noiret, Massimo Troisi e Maria Garcia Cucinotta chi düra 1 ura e 44 minuts significha quai 149'760 purtrets. Quai correspuonda ad üna lunghezza da 2'845,44 m. |
 |
| Ils films han üna largezza da 35 mm. Quai correspuonda (tenor Edison ed Eastman) ad üna distanza definada tanter polsch e daint muossader. La perforaziun regulara da mincha vart permetta da til transportar cun roudinas daintigliadas. |
|
|
| A schnestra es reservada üna stribla fina (culur cotschna) pel "stizi dal tun". Da là vegnan transmiss ils signals aint il processur. Il processur elavurescha e decodescha las datas digitalas. Quellas datas vegnan transmüdadas in ün signal analog e dattas inavant al rinforzidur. Quel pissera cha'l tun sorta dals amplifichadurs in qualità optimala. |
Suot il pult da masdar as rechatta il processur,
plü aval seguan il rinforzidur e'l cd-player.
|
Ils films pon avair differents formats. Scha la proporziun da l'otezza a la largezza d'ün purtret importa 1:1,85 correspuond'la precis a la proporziun dal purtret chi's vezza sülla taila.
Schi's vess però jent cha la proporziun dal purtret importa in realtà 1:2,25 sto la largezza dal purtretin gnir grutschimada (l'otezza resta). Ün objectiv special (Cinema Scope) pissera cha'l purtret gnia darcheu schlargià.
|
 |
|
|
