Sent - Engiadina Bassa - Svizra
Unterengadin - Schweiz
4. August 2007

beinvgnü: in nom dals artists , organisaturs e sponsurs

Wilkommen im Namen der Künstler , der Organisatoren und der Sponsoren

Hier der Text aus dem Allegra
e placat e svoulader dad oura e Flyer drinnen e svoulader dad aint

Prevendita/Vorverkauf -	Sent Turissem 081 864 15 44
	Scuol Tourismus 081 861 22 22

Program (Schlechtwettervariante in den Wirtshäusern)

11-11³⁰ Uhr	Gronda Parada / Eröffnungs-Parade
11³⁰-13 Uhr	teater sün via / Strassentheater
11³⁰-12⁰⁰	Flurin Caviezel
12⁰⁰-12³⁰	Traideschin
12³⁰-13⁰⁰	Eierschlucker
13-14 Uhr	Bunapetit
14-17 Uhr	teater sün via / Strassentheater
14⁰⁰-14³⁰	Gromic
14³⁰-15⁰⁰	Flurin Caviezel
15⁰⁰-15³⁰	Traideschin
15³⁰-16⁰⁰	Eierschlucker
16⁰⁰-16³⁰	Gromic
16³⁰ Uhr	Wachi Wachi & Chula
vendita da las plencas dürant il festival Verkauf von Buttons während des Festivals (9.- sfr.)

20:30 Uhr: Grande Finale!
Theater “Circhio Lume”

Eintritt 19.- sfr / Kinder 9.- sfr

Juhui! l'es quà, il di bramà

Als 4 avuost es il grond di dal Festival da Teater sün via. E sco avant duos ons eschat invidats da gnir a Sent e da's laschar fascinar da la magïa d'ün oter muond, dal muond dal teater. Sün vias e plazzas as inscuntra da tuotta sorts persunagis interessants, da quels chi fan rier ed oters chi intimeschan da ponderar co chi va il gir dal muond. In mincha cas esa pisserà tuotta di per trategnimaint e giodimaint.
A las 11.00 cumainza il cortegi in Plaz e fingià a las 11.30 trametta il cuntschaint cabaretist Flurin Caviezel sias sbrinzlas intratgnontas. A mezdi esa l'ura da parablas. Piera Gianotti ed Emanuel Rosenberg, absolvents da la scoula Dimitri, interpreteschan l'istorgia da Traideschin in lur möd. E per finir l'avantmezdi ans laschaina fascinar da la cumedgia dals "magliaövs", interprets sun Christiane Ahlhelm e Günther Baldauf. Eir ils mumaints da spüra magïa nu mancan. Il striun Michaël Gueulette as fa star stuts sco'l giat da Flurin. Tras vias e giassas, da plazza a plazza as mainan duos clowns, Annina Sedlacek da Sent, absolventa da la scoula Dimitri e Luismi Pardo, il cuntschaint clown da Barcelona.
Per ün bun giantar, sco eir per da baiver e mangiar düront il di, pisseran sün differentas plazzas ils usters da "Pro Plaz" Sent.
Fin a las 17.00 as trattegnan las differentas gruppas in cumün e preschaintan lur spectaculs e tuots varan ün milli gust.
La saira a las 20.30 cumainza la rapreschantaziun in chasa da scoula. La "Compagnia Tardit/Rendina" da Turin cun Aldo Rendina, Federica Tardito ed Antonio Villella ans muossa in "Circhio Lume" giovond e ballond (Tanztheater) in lur möd intratgnond e grotesc che cha l'uman piglia tuot a man per esser important e gnir amà. Damaja ün tema cuntschaint a tuots.
Schi gnit tuots grond e pitschen, giuven e vegl al seguond Festival da Teater sün via e giodai insembel cun nus ün bellischem di.

Maria Sedlacek